Smak litt på vårhagen

Det beste eg veit med våren, er når påskeliljene deler sin energi og glede med oss. Eg ser dei lyser opp allereie før eg får lagt til kai med bua, og eg kjenner eg gler meg til å komme på tunet. Eg kommenterer ikkje desse bileta så nøye, dei talar best sitt eige språk.

HA EIN GOD VÅR! :)

Mens vi venter på at noko skal skje...

... så kan vi mimre litt frå forrige sommar!

To gode venner i hagen! Det er slik vi fortsatt skal ha det! Ein ynda plass for vaksne, barn og dyr!

Ting tar tid



Velkommen til den usminka realitet!

Vi er ingen høgtideleg familie, men brettar ut hagelivet vårt for alle som vil ta del i det. Her blir det høydarer og fiaskoar om eit anna! Kvifor? Jo, av den enkle grunn at eg eksperimenterer med hagen vår. Og dette er såleis ein hyllest til alle som gjer det same! Her har vi budd i eit halvanna år. Prosjektet vårt strekker seg nok til langt etter ungane har forlatt redet. Følg oss, og kommenter gjerne! Alle innspel fortener sin plass!

Vi får begynne dagen med ein god nyhet. Vi er no heilt sikre på at det nye naboskapet som vi har gleda oss så lenge til, er no sikra tomt på øya. Det betyr eit hus med to store og to små litt nordanfor oss! Det blir stas! Den raude firkanten viser sånn ca korleis huset deira vil ligge. Arbeidet startar alt til sommaren!

VÅRE STORE PLANAR.... 


Vinteren slepp no taket, og vi klør i fingrane etter å få gjordt ein heil masse! Men erfaringsvis veit vii at ting tar tid! Familie, jobb og eiga bedrift går framfor hobby. Eg er så heldig å ha hobbyen min som jobb, men det gjer det faktisk endå vanskelegare å prioritere sitt eige. Men i sommar håpar vi at ting kjem i gang.

 



Her blir det bærhage og hønsehus i kombinasjon.Økologisk produksjon av begge deler! Fantastisk! :) Akkurat no er det berre grøfter, vatn og planter på vent her. Det gamle hønsehuset med akk så mykje nostalgi ligg bakerst i bildet. Og bak der igjen skimtar vi Florø by. Vi brukar ca 11 minutter fra stuegulvet til handlesenteret på Evja. Det er ikkje noko å klage over! Vi bur faktisk ganske sentralt med tanke på tidsaspektet



 Dette bildet viser huset sett frå vest. Desse lønnetrea er fantastiske kledd i grøn sommerprakt! Desse trea stridast det dog litt om... Skal dei få stå? Skal dei reduserast? eller skal dei heilt vekk? Eg er for det første alternativet! Alternativ 2 er heilt totalt uaktuelt! Alternativ 2 blir nødvendig dersom mannen i huset får det som han vil! ;) Han har nemleg lyst å bygge på huset i den retningen.

Slik ser tunet ut i dag. Eit stort bed og ei flaggstang som stolt har heva det Norske flagg så lenge eg kan hugse. Flaggstanga får stå, men bedet har eg ikkje kapasitet til å beholde slik det er i dag. Bakken skal gravast ut, og vi skal sette opp mur og lage utegrill integrert i muren. Framtida for den midlertidige sandkassen er det ingen som veit sikkert. Den må i alle fall vike plass etterkvart.

Her er tunet sett frå nordaust. Her må vi legge ferdig planen for huset før vi kan sei noko om kva som skjer her. Huset skal byggast ut, men det er usikkert på kva for retning!

Etterkvart vil eg legge ut bilde av dei andre store planane våre... Nokon vil sei vi har for mange ballar i lufta. Eg er heilt einig! :) Men det er no ein gong slik vi likar det!

Dette var første steg!

I sommer tok vi oss av den forvokste granhekken, som stengde ute den flotte utsikta nordover! Mange meinte vi kom til å ta knekken på alt som vokste i hagen, og kanskje til og med oss sjølve i den kalde nordavinden som kjem feiande inn akkurat her. Men kven veit vel kva vi finn på inni denne hagen? Den vinden, skal eg seie deg, skal ikkje bli noko! Her skal det bu høner i hus og skog, vår ivrige bærplukkar på to år, skal finne sitt eldorado her inne, og ly skal vi ordne til alle mennesker, dyr, og planter som treng det!

Bilder av korleis det vart etterpå, vil komme med tida! Akkurat no er det berre mykje snø og kaos akkurat der. Eit gammalt, svært plommetre måtte også ta kvelden etterkvart. Det var igrunn sørgelig, for det bar flotte plommer. Men treet var sjukt, og kunne ikkje reddast. Eg tippar gubben er glad for at det er vekke, for no har han betre plass til å kose seg med gravemaskina! Det er jo slik det er å ha eit handlekraftig mannfolk i hus! :)

Her bur det nok ingen gartnar...

Det er det eg trur folk seier når dei passerer huset vi bur i. Ikkje det at det passerar så veldig menge forbi, men dei som gjer det, tenker nok det. Vi bur på ei lita øy utanfor Florø, og er einn familie på fem. Øya har eit gardsbruk, rutestopp for to øyar, ein gründer, nokre kattar og masse fantastisk natur! No tenker vi at hagen vår skal bli like fantastisk! Ja, midt på vinteren tenkjer vi på hage. Det er slik når ein er ein dedikert gartnar, då har ikkje tanken fri frå hagen verksemder!

"Du skal ikkje berre fikse andre sine hagar!" sa mannen min, og har etterkvart tatt spaden (foreløbig gravemaskina) i eiga hand, og starta på prosjektet! Denne bloggen vil innehalde vår ferd mot eigen hage. Innimellom vil det også komme ting av rein interesse frå mi side. Muligens det kjem litt om livet som gartnar, gründar og småbarnsmor også. Vi får sjå! "Båten blir til medan ein ror" sa ein forretningsutviklar til meg ein gong. Eg trur mannen har rett!